عرب میڈیا کے مطابق وزٹ ویزا پر یو اے ای آنے والے افراد کو ملازمت دینے والوں پر بھاری جرمانے عائد کیے جائیں گے، جبکہ وزٹ ویزا ہولڈر کو کام فراہم کرنے پر 10 ہزار درہم جرمانہ ہوگا۔
غیر قانونی طور پر کام کرنے والوں کو جیل کی سزا کا سامنا بھی کرنا پڑ سکتا ہے۔رپورٹ میں بتایا گیا ہے کہ رہائشی دستاویزات میں جعل سازی یا ردو بدل کی صورت میں 10 سال تک قید کی سزا دی جاسکتی ہے، جبکہ رہائشی قوانین کی خلاف ورزی پر ایک لاکھ سے 50 لاکھ درہم تک جرمانہ عائد کیا جاسکتا ہے۔
